خد بالك من نفسك جدًا
ماتسبش مشاعرك بالساهل
وبلاش تنساك
ماتسبش مكان للناس علشان
تدخل جواك
غير لما تكون ناس تستاهل
وبلاش تتحمل غير علشان حد يقدر
وبلاش فى حاجات تافهه تفكر
واياك تتناقش مع جاهل
وبلاش بليل بالهم تبات
والدمع يعيش فى حوارى عينيك
ولا تجرى ورا الحاجه فى مرة
لو كات مش ليك
إنت اللى باقيلك مش هما
وهتعمل إيه بالناس لما
الوحدة فى قلبك تتراكم
وتخاف إنك حتى تقرب
وتعيش راكن نفسك دايمًا
على رف الوقت المتترب
والعمر يضيع فى طرق ضلمة
وان حتى وصلت تلاقى
الباب أصلاً قافل
لـــ محمد إبراهيم
ليست هناك تعليقات:
إرسال تعليق