الدين المعاملة ..

فى ناسى كتيرة بتلاقيها طول اليوم بتتكلم بإسم الدين ودايمًا فى كل جملة بتقولها لازم تذكر ربنا سبحانه وتعالى ودايمًا كلام كلام كلام عن الدين والمفروض والسنه وتيجى تبص على تعاملها مع الى حواليها وأخلاقها تلاقيها العكس تمامًا لا تمت بأى صلة للى بتتلفظ بيه .

الدين مش مجرد كلام أو ألفاظ أو شعارات أو شكليات أو منشورات بننشرها .
لاءه ..

الدين معاملة وأخلاق .
صحيح إنما الأعمال بالنيات ولكل امرءٍ ما نوى .
ولكن ..

يظل أهم ما يميز ديننا الحنيف هو الأخلاق والمعاملات .

يقول الله تعالى لرسولنا الكريم :"ولو كنت فظًا غليظ القلب لانفضوا من حولك" ودا معناه إن أساس النجاح فى انتشار الدين الإسلامى فى كافة أنحاء العالم واستمراره إلى الآن هو"المعاملة" .

ياريت كلنا نعرف يعنى إيه دين إسلامى ويعنى إيه الكلام الى بنتلفظ بيه .
وياريت أكتر نعمل بما نتلفظ به .

Me